नेपाल सरकार

गृह मन्त्रालय

कारागार व्यवस्थापन विभाग

    


ईभेन्ट्स

कारागारको व्यवस्थापन पक्ष

    कारागारहरूलाई व्यवस्थित रूपले सञ्चालन गर्नका लागि गृह मन्त्रालयको मातहतमा कारागार व्यवस्थापन विभाग रहेको छ । यस विभाग अन्तर्गत ७२ जिल्लामा ७४ वटा कारागारहरू सञ्चालन भइरहेका छन् । कारागार व्यवस्थापन विभागको समन्वयात्मक भूमिका र प्रमुख जिल्ला अधिकारीको प्रत्यक्ष रेखदेख एवं नियन्त्रण र जेलरको प्रत्यक्ष जिम्मेवारीमा कारागारहरूलाई व्यवस्थित गर्ने काम भइरहेको छ भने विभाग अन्तर्गत कारागार कार्यालयहरू रहेका छन् । त्यसरी नै बन्दी गृहको आन्तरिक प्रशासन बन्दीहरू मध्येबाटै नियुक्त गरिएका चौकिदार, नाइके, सहनाइकेको रेखदेखमा सञ्चालित छ भने सुरक्षा व्यवस्था नेपाल प्रहरी र संवेदनशील कारागारहरूमा सशस्त्र प्रहरी बलको टुकडी खटाउने परिपाटी सुरू भएको छ । कारागारहरूको संगठन संरचनाभित्र हाल विभिन्न श्रेणी र पदका कुल ६८८ कर्मचारीहरू कार्यरत रहेका छन् । त्यस्तै कारागारहरूमा बन्दी राख्ने क्षमता बारे अहिलेसम्म आधुनिक मापदण्ड तयार भएको छैन तापनि हालकै अवस्थामा १०,००० कैदी बन्दीहरू राख्न सक्ने क्षमता कारागारहरूमा रहेको देखिन्छ । नेपालभरका ७५ जिल्लाहरू मध्ये धनुषा, भक्तपुर र बारामा कारागारहरू स्थापना भएका छैनन्, कास्कीको साराङकोट, मोरङको विराटनगर र भक्तपुरमा बाल सुधार गृह सञ्चालनमा रहेका छन भने काठमाडौं र दाङ जिल्लामा २/२ वटा कारागार कार्यालयहरू सञ्चालनमा रहेका छन् । पूर्वाञ्चलमा सुनसरीको झुम्कामा क्ष॓त्रीय स्तरको कारागार निर्माण भै सञ्चालन भएको छ भने मध्यमाञ्चलमा मकवानपुरको भिमफेदीमा र दाङको तुल्सीपूरमा नयाँ  भवन निर्माण कार्य सम्पन्न भै सञ्चालनको क्रममा रहेको छ ।आ.व ०७३।७४ मा कास्की,नवलपरासी,अछाम र संखुवासभामा नयाँ भवन संचालनमा आएका छन।